ጌታ ሆይ ቅደመኝ

በአንድ በኩል ስሰፋ ሌላው ሲያፈስብኝ

ጥሬውን ስቆላ ብስሉ ሲያርብኝ

አንዱን አለፍኩት ስል ሌላው ሲያናቅፈኝ

ቀን በቁሜ ስቃዥ ሌሊት ሲያባንነኝ

አንድ ጊዜ ሲያስቀኝ ደሞም ሲያስልቅሰኝ

      ቀኜ ሲበረታ ግራዬ ሲደክም

      ራስ ፍልጠት ሲይዘኝ ጨጓራ ሲያገግም

      ምን ይሆን መፍትሔው ለዚህ ከንቱ አለም

      ጌታ ሆይ ቅደመኝ ሸክሙን አልቻልሁም

ተረት ተረት

ተረት በሀገራችን ትልቅ ቦታ አለው፡፡ የማህበረሰቡን ብስለት፣ ኑሮ ፣መስተጋብርና አመለካክት የማሳየት አቅም አለው፡፡ እስኪ ከዚህ በታች ስለ አንድ ብልጥ ልጅ የሚተርክ የአፋር ተረት ላውራችሁ፡፡

ተረት ተረት ---የመሰረት/የላም በረት

በአንድ ወቅት በጣም ብልጥ የሆነ የ15 ዓመት እድሜ ያለው የአፋር ተወላጅ ልጅ ነበር፡፡ ሆኖም ይህ ልጅ በቤቱ ውስጥ ይደረግ የነበረውን መጥፎ ነገር ያውቅ ስለነበረ ሁልጊዜ ያዝንና ይበሳጭ ነበር፡፡ አባቱ ከእናቱ ገረዶች ከአንድዋ ጋር በድብቅ ይባልግ ነበር፡፡

አንችን ሞት አይንካሽ

 
የቱን  ተናግሬ የትኛውን ልተው

ምን  ቋንቋ ልጠቀም በምን ቃላት ላውራው

ምን ምሳሌ ልፍጠር በምን ልመስለው

እንዴትስ ልዘርዝር ከየት ልጀምረው

እፁብ እፁብ ብዬ ዝም ልበል በአንክሮ

ዘላለም ይኖራል በውስጤ ተቀብሮ

    ለዚህ ያደረሰኝ የናትነት ፍቅርሽ

    ዛሬም ያፅናናኛል ብለይም ከፊትሽ

    የአንችን ክፉ አልስማ እናቴ እባክሽ

    በእኔ ዕድሜ ኑሪ አንችን ሞት አይንካሽ 

For my beloved mother,ኅዳር 2003