ይወለዳል ገና!

 ይሄ ወጣትነት

ከሱስ ላይ ተጥደን፥ ያልፋል እንደዘበት፤

ይሄ ወጣትነት
ያልፋል እንደ ዋዛ
ለሃብታም ስናረግድ፥ ለውሸት ስንገዛ

ይሄን ወጣትነት
የኔ ቢጤ ሁሉ፥ ይሰዋል በከንቱ
ለ አሸሸገዳሜ፥ ለሚጠፋ አምሮቱ

ያ ጀግናው ተሜ ግን፥ የሀገሬ እንቆቆ
ስለ መራራ እውነት፥ ጣፋጭ ዓለም ንቆ

ይድረስ ለ 'ጃንሆይ'

እንዴት አሉ ጃንሆይ?

ሰላምታ አቅርበናል~ወደ አሉበት ሰማይ

ዓለም ለሚያከብረው~ለ ክቡር ልደትዎ

ከ ኬኩ ባይቀምሱም~እንኳ አደረሰዎ

እንኳን የእኛ ሆኑ!

………እንኳን ተወለዱ!

ይህን ጭቁን ህዝብ~እንኳ እንደ ላም ነዱ!

ቃል_አልባ_ስሜቶች

ደብልቅልቅ ሃሳቦች

ቃል አልባ ስሜቶች

እንደ ገጠር ሕፃን በ ጀርባዬ ታዝለው

እንደ ጨቋኝ ገዢ ከ ላዬ ተቀምጠው

ስሄድ ሲመልሱኝ ከ ፊቴ እያለፉ

ስመለስ ሲንጡኝ ከ ኋላ እየገፉ

ወዴት ብዬ ልሂድ ወደ የት ልራመድ

በ ምድር በ ሰማይ በ ታጠረ መንገድ፤

‹‹የ አርበኞቹ ልጆች….››

አያቶቻችን፤

በ ሀገር ፍቅር የሰከሩ

አንበሳ ያሰገሩ

ጥሊያንን የገሩ

ሰንደቋን አንግበው

ረሃብ መከራን ታግሰው

ስለ ወገን  የሞቱ~ድንበር ያስከበሩ

እውነትም ጀግኖች ነበሩ!

እውነትም ፃድቆች ነበሩ!

አባቶቻችን ፤

በ እንጥፍጣፊ ፍቅር

ተዋድቀዋል ለ ሀገር!

ያዳኑሽ_የት_አሉ???

ከ ቤተስኪያን ታዛ~ከ ካቡ ስር ቆሜ

ከ እግዜሩ አስተብርኮ~ለ አንቺም ተሳልሜ

ስምሽን እጠራለሁ~በ ዜማ ውዳሴ

ከ ደም ከ ስጋሽ ጋር~ተቆራኝታ ነፍሴ፤

እንደምን ዝም ልበል~እንዴት ብዬ ልሽሽ

ሰርክ ያባክነኛል፣ ከ እናቴ ጡጦች ጋር~የጠባሁት ስምሽ

ግን ውዴ፡~

(‹ያለመቻል ግጥም››)

ልፅፍልሽ ብዬ፡

እንደ ገዳም መናኝ ቀልቤን ስሰበስብ

ለ አንቺነትሽ ቅኔ ገላጭ ቃላት ሳስብ

እንደ ርደ-መሬት ትዘላለች ልቤ

ፅሞናዬ ጠፍቶ ይበተናል ቀልቤ

‹‹ ፈዝዤ እቀራለሁ››

ጎንበስ ብሎ መፃፍ ተስኖት ወገቤ

ለ ዝሆኖች ሲባል…

እዚያ ማዶ
ከ ሰማይ ተዋዶ
የታላቅነት ታሪክ..በታዛቢነት ቆሟል
ትናንት ለ ነገ.. አፉን ከፍቶ ይናገራል!
.
ወዲ ማዶ፡
ትውልድ ግራ ተጋብቶ እግሩ ወደ መራው ያዘግማል
ትናንቱን እየሻረ ዛሬውን ያሞግሳል!
;
መሃል ባለው ገደል
አንዱ አንዱን ሲበድል፤

ብርሃን ሩጫ~በሚያልፍ ዘመን ላይ 

እንደ ገለባ እሳት~በ ሚከስም ንዋይ

፤

ከ ስነ ሰብዕ በታች~ከማንነት ማዶ

በ ዛሬነት ግርዶሽ~ነጋችን ተጋርዶ 

ልክ እንደ ይሁዳ~ሰው ገንዘብን ወዶ

.

.

ገዳይ ከሟች ጋራ~በ አንድ እያደረ

እንግዲህ ሰው ማመን~እንደ ዋዛ ቀረ

--------------0----------------

      (ዘላለም፡ 29-07-08)

መ  ነ  መ  ነ  ች   እ  ው  ነ  ት

ብርሀን ደበዘዘ~ጨለማ ደመቀ

ሰው ከሰው ሲቀርብ~ሰው ከእራሱ ራቀ

ማመን መተማመን~ጥለው ተሰደዱ

ፍርሃት ጥርጣሬ~ከ ልብ ተዋሃዱ፤

አይንና አፍንጫ~ጉርብትና እረሱ

መተዛዘን ቀርቶ~ይሙት ሆነ ክሱ፤

ቅትሎ…. ስቅሎ

ቅትሎ….ስቅሎ

ይላል ግብረ ቃኤል~ክፋት በ ጀርባ አዝሎ፤

"አክሚኝ...፩"

አመመኝ

አልችል ስል ተኛሁኝ
.
.
ተኝቼም ሲብሰኝ~በሽታዬ ሲከር
ሄድሁኝ ወደ ሃኪም~ህመሜን ላማክር
.
.
.
ሆስፒታል ገብቼ~ደሜን መረመሩኝ
ትዝታሽ ነበረ~እኔን ያሳመመኝ

ሁሌ_ጥቁር_መርዶ...

"ከ ቀይ ባህር ማዶ~እሺ ሰው ሰመጠ

በሳውዲ አደባባይ~አንገት ተቆረጠ
በሰሜን በ ደቡብ~እልፍ ሰው ታሰረ
መሪና ተመሪ~ሁሉም አመረረ፤
አምሳ ተገደለ
እቤት ተቃጠለ"
.
.
ነው መሪ ዜናችን~ከ አገር ቤት ከማዶ
ሰላም ማውራት ቀረ~ሁሌ ጥቁር መርዶ፤

ቀረን መሃል መንገድ…

ዝ’ም በይ አንቺ ነፍስ!..

"ወረድን......."

ቁልቁል ተራመድን~ከስልጣኔ ጓዳ 

ተራራውን ለቀን~ወረድን ወደ ሜዳ፤
ወረድን ከ እምነት
ወደ ው'ሸት ማንነት 
ወጣን ከ ሰውነት
ወ
.....ረ
.........ድ
..............ን......
ወ
.......ረ
............ድ
..................ን.....
አንድ ሁለት እያልን

“I have a dream”

 I look in to the sun

And look in to the moon

All shines equally for the world

Why dark for African child?

I know my color is black

But we are equal at the dark

My flesh and blood

It is like what you had

Don’t hold my dignity

Make me free to fly on liberty

Give me full freedom

To fly on the field of wisdom

‹‹‹‹አዎ መምህር ነኝ!….›››

የትውልዱን ነገ ያዘልሁኝ በ ጀርባ

መጪውን እያሰብሁ በ ህልም የምባባ

አዎ መምህር ነኝ የእውቀት ደብተራ

ከ ፈጣሪ በታች ሰውን የምሰራ

የ ጠመኔ ብናኝ በላጠው መዳፌ

በ መለፍልፍ ብዛት በ ደረቀ አፌ

ሰው ሃብታም የማደርግ ድህነት ታቅፌ

አዎ መምህር ነኝ

የእውቀት ደብተር እንጂ የባንክ ቡክ የሌለኝ

እንደ ደረሰች ሴት እውቀትን እያማጥሁ

ጠመኔ ታቅፌ ከ ትውልድ ፊት የቆምሁ

ነገን እንዲሸከም ጮሄ የምሞግት

ደሞዝ ቀን የራቀኝ እንደ ዳግም ምፃት

አዎ መምህር ነኝ!

የመቶ ብር ምስል የሚያስደነግጠኝ