Tuesday, December 20, 2016

‹‹ትዝብት….›››

 በ “ሂደት” ላይ “ሂደት”
ቆርጠን ስንቀጣጥል~ቃላትን በቃላት
በጨለማ ግርዶሽ~ያ ትናንት ከሰመ
ዛሬም  በ ጭቅጭቅ~አቁሞን ተመመ
በ“ሂደት” ሽንገላ
በ “ወደፊት”መላ
የ “ነገ” ን ለ “ነገ”~እቅድ ስናሰላ
በማስመሰልና በ ስንፍና ጋሻ~እየተደገፈ
ያልኖርንበት “ነገ”~ሳናየው አለፈ
(ምንጭ፡ ከታዛቢው  ማስታወሻ)

Friday, December 16, 2016

‹‹የማታ የማታ...››

ኢንሴኔ ኢሴራ ተታኤ - ማናሆ ጣጊሳኖ
ሳይኖሩ አለሁ ማለት - ከ ባዶነት ዘግኖ 

እንደ በሬ ማግሳት - ትንኝን ሳይሆኑ 
ከ እኩይ ጊዜ ታቅሮ - መራቅ ከ ዘመኑ
ለ ራሱ አያውቅ ነዳይ -ሚል ተረት ታቅፎ
ከ ራስነት በላይ፣ የ ሰውነት መንፈስ ከ አእምሮዬ ገዝፎ
በ መሰሪ ገመድ፤ በ ህሊና ችንካር እጄ ተቆልፎ 
ነገ እያልሁኝ ኖሬ - በ ከንቱ ይሉኝታ 
ዛሬዬን ገድዬ፣ ከ ነገ እለያለሁ የማታ የማታ
.........(ከ ዘላለም ጥላሁን)...............

Wednesday, December 14, 2016

ለካስ እድሜ ማለት...

እንደ ኤሊ ጉዞ~እንዲህ እንደዋዛ
ሴኮንድ ተደማምሮ~ደቂቃ እየበዛ
የሰዓታት ውህደት~በቀናት ሲሰላ
ሳምንትና ወራት~አመት እየሞላ
ሰው የሚባል ፍጡር~ይኖራል በመላ
ሲደምር ሲቀንስ~ከ ቁጥር ሲጣላ


በትናንት ትውስታ~ከልጅነት ማዶ
ዛሬ ገፄን ሳየው~ከ እርጅና ተዋዶ
"ለካስ እድሜ ማለት~ጅረት ነው ፏፏቴ
ሽው ብሎ የሚሮጥ~አንዱ በአንዱ ኮቴ"
(Thank You My God)