ይድረስ ለ 'ጃንሆይ'

እንዴት አሉ ጃንሆይ?

ሰላምታ አቅርበናል~ወደ አሉበት ሰማይ

ዓለም ለሚያከብረው~ለ ክቡር ልደትዎ

ከ ኬኩ ባይቀምሱም~እንኳ አደረሰዎ

እንኳን የእኛ ሆኑ!

………እንኳን ተወለዱ!

ይህን ጭቁን ህዝብ~እንኳ እንደ ላም ነዱ!

የ ሲኦል ነፍሳት: ክፍል ፫

ማሪያና ትንሽ ሞቅ ብሏታል፡፡ ከለበሰችው ታኮ ጫማ ጋር ተዳምሮ ‹‹ደርደር…ደርደር›› ትላለች፡፡ ጠጋ ብዬ በ እጄ ጨበጥኋት፡፡ እጇ ያቃጥላል፡፡ የ አስፓልቱን ዳር ይዘን ባጃጅ መጠበቅ ጀመርን፡፡

ዝምታችንን ለመስበር …ይቅርታ ቅድም አስቀየምሁሽ አይደል አልኳት፡፡

‹‹ችግር የለም በ አንተ አልፈርድም፣ አልፏል እርሳው›› አለችኝ….ዝቅ ብላ መሬት መሬት እያየች፡፡
ማሪያና ወደ የት እንደምንሄድ እንኳን አልጠየቀችኝም፡፡ የምወስዳት ወደ ገነት እንዳልሆነ ልቧ ቢያውቅም፣ ከ ሲኦል ወደ ባሰ ገሃነም ይሆን ብላ እንኳ አትጠይቅም….‹‹የበሰበሰ ዝናብ አይፈራም›› ብላ ይሆን? አላውም ፣ ምን እያሰበች እንደሆነ ማወቅ ይከብዳል፡፡