አዎን እኖራለሁ

ምላሴን ሲመረኝ በጨው እያጣፈጥሁ

ክፉውን ስሰማ በጎውን እያሰብሁ

ንዴት ሲያቃጥለኝ ሻወር እየወሰድሁ

ቀን ያለፋል እያልሁኝ ቀናት እየቆጠርሁ

        እንዲህ እጓዛለሁ

        እንዲህ እኖራለሁ

ህሊናየን ትቼ ለስጋ እያደላሁ

ነፃነቴን ትቸ ሆዴን እየሞላሁ

ይቅደም ሰብአዊነት

በህንፃ ላይ ህንፃ ድንጋይ ስንደረድር

ከመንገድ ላይ ወድቆ የስላሴ ፍጡር

የሚቀምሰው አጥቶ ለመሞት ሲጣጣር

አያየን ማለፉ አንደ ቀላል ነገር

         ምነው መኖር ተስፋው ምንድን ነው ትርጉሙ

         የራበውን ደሃ ቀርበው ካልደጎሙ

         እናም ወገኔ ሆይ ይቅደም ሰብአዊነት

         ነገ ዛሬ ሳትል በሃብትህ ስራበት

         አንተም ወደ መሬት ከመግባትህ በፊት

 ከዚህ በታች ያለውን የአንድ ህንዳዊን ሰብአዊ ተሞክሮ የሚያሳይ ድምፅ ወምስል ሁላችንም ማየት ያስፈልጋል፡፡

ፓተንቱ ይሰጠው

 

የትኛውነው እብድ የትኛው ነው ደህና

መለየት አቃተን ግሎባላይዜሽን ባመጣው ፈተና

እብድ አሳጥሮ ቀዶ ሲለብስ አይተው

እራቁት ይሄዳሉ ዝመና ነው ብለው

        ዝመና ከሆነ እራቁትን መሄድ አጭር ታይት መልበስ

        በነፃ መደብደብ ለ ፀሐይ ለ ነፋስ

        አለም ሳያስበው ቀድሞን ለዘመነው

        ለሀገሬ ገበሬ ፓተንቱ ይሰጠው