[["ጎርፍ"]]

በጋ ዘመን አልፎ

                        ሊተካ ሲል ክረምት

በደረቀው መሬት

ጠል ሊወርድበት

የመኸሩ በኩር

ሲገባ ግንቦት ወር

በጠራው ሰማይ ስር፤

“ጴጥሮስ ያችን ሰዓት”

(ዛሬም ጀብራሬዎች በሐውልቱ እየሸኙ ነው)

ታላቁ ባለቅኔና የተውኔት አዘጋጅ ሎሬት ፀጋዬ ገ/መድህን ዘመን ተሻጋሪ የሆነችውን “ጴጥሮስ ያችን ሰዓት” የምትለዋን ግጥም የፃፈው፡ አንድ ቀን ምሽት ከማዘጋጃ ቤት ሲወጣ ባየው ትዕይንት ምክንያት ነው፡፡ ነገሩ እንዲህ ነው፡ ፀጋዬ ገ/መድህን ከማዘጋጃ ቤት እንደወጣ ቁልቁል ወደ አቡነ ጴጥሮስ ሐውልት ሲያመራ አንድ ጀብራሬ (በሎሬቱ አነጋገር) ከአቡነ ጴጥሮስ ሐውልት ላይ ሸንቱን ሲሸና ተመለከተ፡፡ ፀጋዬም በደም ፍላት ወደ ጀብራሬው ተንደረደረ፡፡ ጀብራሬው ግን “አንተ ድንጋይ እሸናብሃለሁ፡፡ ድንጋይ ነህ …. ድንጋይ ነህ ….” እያለ በሐውልቱ ላይ ይሸናል፡፡ በዚህ ሰዓት ነበር ሎሬቱ “ጴጥሮስ ድንጋይ አይደለም” ብሎ ጀብራሬውን በደም ፍላት ዘሎ ያነቀው፡፡ ከዚያም አብረውት የነበሩት ሰዎች ገላገሉትና እየተብሰከሰከ አራት ኪሎን ተሻግሮ ቀበና ገባ፡፡

“ለምን አለቅሳለሁ!”

እስከመቼ ለቅሶ

እስከመቼ እምባ

ዘመን ተቀይሮ

      የሳቅ ቀን ላይገባ

የሚያስለቀስ እንጂ

      ሀዘን የሚያጠፋ

ተስፋ ጨፍላቂ እንጂ

       ሚመፀውት ተስፋ፤

በሌለበት ሀገር

በግፍ በጥላቻ በቀለጠ መንደር

የዓለምን እርኩሰት ክፋቷን እያሰብሁ

በነጋ በጠባ ለምን አለቅሳለሁ?

አስገራሚዋ ብላቴና (The Miracle Teenager)_ክፍል ፪

               በመጨረሻም ፌስቡክ ተጠቃሚዋ ስምረትና አሁን ያለችበት ሁኔታ !

ከአመታት በኋላ በቀጠሯችን መሰረት ከተወዳጇ ስምረት ጋር ተገናኘን፡፡ የተገናኘነው ከአመታት በፊት አውርተንበት የነበረው ቦታ መሆኑ ሁለታችንንም ትልቅ ትዝታ ላይ ጥሎናል!
ከቀጠሯችን ውጭ ይዛቸው የመጣቻቸው ሦስት ሴት ልጆች ትኩረቴን ስበውታል፡፡ በአንድ አይነት የዕድሜ ክልል ውስጥ የሚገኙ ሦስት ዕንቁዎች !! የስምረትን አስበልጬ ከሁሎችም ጋር ሞቅ ያለ ሰላምታ ከተለዋወጥኩ በኋላ ስራዬን ጀመርኩ፡፡

«ባለ ራዕይዋ ስምረት ይታይህ፣ እንኳን በድጋሜ ለመገናኘት/ለመተያዬት አበቃን»
«(ሳቅ…) እግዚአብሄር የተመሰገነ ይሁን… በድጋሜ ስላገኘሁህ እኔም በጣም ደስ ብሎኛል !»
«እሽ ወይዘሪት ስምረት… ነው ወይንስ ወይዘሮ ይሆን ? በሚገርም ሁኔታ ተለውጠሻል፣ ትልቅ ሰው ሁነሻል…ሶስቱ አብረውሽ የማያቸው መንትያ ሴቶችስ ልጆችሽ ይሆኑ ?»

"ና መስከረም ግባ"

ና መስከረም ግባ

  ና ሆድህ አይባባ    

ግባ ችግር የለም  

በአንተ አንጨክንም፤

መስከረም ለምለሙ የወራቶች በኩር

የሰላም የፍቅር የህዳሴ ሚስጢር

የዘመን ተምሳሌት የአንድነት ምልክት

የውጥን መባቻ የሐበሻ ኩራት

ኮተትህን ጥለህ መስከረም ሆይ ግባ

ጳጉሜ ላይ ቀብረኸው የጥላቻን ካባ፤

የ “አሉ” ዘመን

“አሉ” ነው ዘንድሮ

እውነትማ ጠፋ በውሸት ተቀብሮ

....“አሉ”....

ጋዜጠኞች “አሉ”

በሸፈጠ አንደበት ቃላት እየቆሉ

.......“አሉ”.....

ነጋዴዎች “አሉ”

በለስላሳ አንደበት ህዝብ እያታለሉ

.....“አሉ”.....

ባለስልጣኑ “አሉ”

የህልም እንጀራ ህዝብን እያበሉ

.....“አሉ”......

መምህራኑም “አሉ”

ሳይንስን እረሱ ኑሮን እያሰሉ