በጋ ዘመን አልፎ
ሊተካ ሲል ክረምት
በደረቀው መሬት
ጠል ሊወርድበት
የመኸሩ በኩር
ሲገባ ግንቦት ወር
በጠራው ሰማይ ስር፤
ወደ ላይ ሲያቀና
እንደ ቁራ ጠቁሮ
ፅልመት አጎፍሮ
ድምፁን እያጓራ
ዝናብን ሲዘራ
ቁ
ል
ቁ
ል ተወርውሮ
መሬትን ቆፍሮ፤
አውደ ጎርፍ ሲፈጠር
ጎርፍ ከጎርፍ ሲጣመር
ጎርፉ ቁልቁል ወርዶ
በአንድነት ተዋዶ
ሲሆን ታላቅ ጅረት
በሚያስፈራ ድምፀት፤
ሀገርን አካሎ
ጋራና ሸንተረር
በከርሱ ታቅፎ
ግብስባሽና አፈር
በጅረት ጉልበቱ
በእጁ ከታነቁ
ይጨምራቸዋል
ቁ
ል
ቁ
ል ወደ ጥልቁ
ታዲያ ጀግና ማለት፤
ደመናው ሲዳምን
ጥቁር ቬሎ ለብሶ
በኩራት ሲጀነን
ያኔ ነው መጀገን
ያኔ ነው ማባነን
አፍላ ጎርፍ ገፍትሮ
ከ ጅረት ጨምሮ
ቁ
ል
ቁ
ል ወደ ባህር
ወደ ነፍሳት ሀገር
ወደ ውስጥ አዝልቆ
ከ ሰማይ አርቆ
ከትልቁ ሳይጥለን!
አዎ ያኔ ነው መባነን
ማዬት ደመናውን
የቆምንበት መሬት
በቁም ሳያሰጥመን!!!
መስከረም 3፣ 2008 ዓ.ም
No comments:
Post a Comment