“አሉ” ነው ዘንድሮ
እውነትማ ጠፋ በውሸት ተቀብሮ
....“አሉ”....
ጋዜጠኞች “አሉ”
በሸፈጠ አንደበት ቃላት እየቆሉ
.......“አሉ”.....
ነጋዴዎች “አሉ”
በለስላሳ አንደበት ህዝብ እያታለሉ
.....“አሉ”.....
ባለስልጣኑ “አሉ”
የህልም እንጀራ ህዝብን እያበሉ
.....“አሉ”......
መምህራኑም “አሉ”
......“አሉ”.....
የትም ቦታ “አሉ” ነው
“አሉ” ድንበር አልባው
“አሉ” ነው ዘንድሮ
አውነትም የትአል በዘመን ተቀብሮ
......“አሉ”.....
ቀሳውስቱም “አሉ”
ህግጋቱን ረስተው መሰለኝ እያሉ
ንግድ ጀምረዋል ቁማር በመስቀሉ
........“አሉ”.....
ሸሆችም ሸፈጡ ወደ “አሉ” ዞሩ
ቁራንን ረስተው ገንዘብ እያስቀሩ
........“አሉ”.....
ትውልዱ ሸፍጠኛ በ “አሉ” የሰከረ
በእናቱ የሚያሾፍ ሳይኖር የነበረ
......“አሉ”.....
“አሉ” ነው ህዝበ አዳም
“አሉ” ብሎ ያድራል ቢሆንም ባይሆንም
......“አሉ”.....
የኔም ቃል “አሉ” ነው በዚህ የ “አሉ” ዘመን
በ “አሉ” እየኖርን በ “አሉ” እንሞታለን
“ነው” ና “ነበር” ን ህሊና ውስጥ ቀብረን
***********************************
ነሐሴ 27፣ 2007 ዓ.ም
“አሉ” የሚለው ቃል ላልቶ ይነበብ፡፡
No comments:
Post a Comment