ለ ዝሆኖች ሲባል…

እዚያ ማዶ
ከ ሰማይ ተዋዶ
የታላቅነት ታሪክ..በታዛቢነት ቆሟል
ትናንት ለ ነገ.. አፉን ከፍቶ ይናገራል!
.
ወዲ ማዶ፡
ትውልድ ግራ ተጋብቶ እግሩ ወደ መራው ያዘግማል
ትናንቱን እየሻረ ዛሬውን ያሞግሳል!
;
መሃል ባለው ገደል
አንዱ አንዱን ሲበድል፤
ፈርጣማው ሲወጣ ወደ ትልቅ ማማ
ብዙሃኑ አለ…ከዚያው ከ ገደሉ ብሶት እያሰማ
የ ምስኪኖች ገድል…የብሶቱ ጩኸት
የ እግዜር ደጅ ቢያንኳኳ…ቢደርስ ከ ፀባኦት፤
.
ተራራው ላይ ላሉት… መች ጩኸት ተሰማ
ሸፈኖ እያስቀረው ለ ሌሎች ሚነፋ የመለከት ዜማ፤
;
አያችሁ፤
ወተት ላልጠገቡ እግረ ፈት ህፃናት
ጠጥተው እንዲያድጉ ምናወራው ተረት፣ 
ይሄ ነው ጅግሩ 
የ አይጥን ጀብዶ አፍኖ የ አንበሳን ጀግነንት ዘወትር ማስተማሩ፣
ይሄ ነው ጅግሩ 
ጉንዳንና ዋኔ አንድ ላይ ሲኖሩ
ጉንዳን ሞኝ ነበረ ብሎ መናገሩ፤
.
.
.
ከማማው ዝቅ ብሎ ከ ገደሉ ወጦ 
ወደ ሁሉ አቅጣጫ አይኖቹን አፍጦ፤
ከ አፋፉ ላይ ቆሞ
ሰው የመሆን ጥላን ወደ ሁሉ አዝሞ፤ 
ትናንትን ከ ዛሬ በጉልህ ላስተዋለ
በነፃ ህሊና ፍርድ የሚፈርድ ካለ፤
፤
“በ ሃገሬ ጉዞ  በ  ዘመናት መሃል
ለ ዝሆኖች ሲባል አይጦች ተረስተዋል!”
-------------------------
(Zelalem T, March 2017)